Организирањето на студиите по ФИЛМСКА И ТВ МОНТАЖА во рамките на Универзитетот „Св. Кирил и Методиј“ за своја примарна цел го имаат едуцирањето на идните стручњаци кои ќе умеат соодветно да го разберат / протолкуваат филмскиот и телевизиски јазик и своето акумулирано академско знаење и умеење да го изразат во сите форми на филмското и телевизиско творештво. Студиите по монтажа се организирани според ЕКТС како осумсеместрални, четиригодишни академски студии.

Наставната дисциплина филмска и ТВ монтажа пред себе ги поставува основните задачи на една академска дисциплина: Запознавање со основите на научната дисциплина преку задолжителни наставни содржини (теоретски и практични):

• Надградба на профилот преку изборни наставни содржини;
• Континуирано следење и запознавање со најновите техничко - технолошки достигнувања во полето на филмската и ТВ монтажа, најновите трендови, стилови и новини во филмската и телевизиска продукција;
• Истражувачка дејност од областа на самата наставна дисциплина, како самостојни или групни активности, со цел проширување на едукативниот дијаметар;
• Практична континуирана активност т.е. синтеза на теоретската и практичната содржина.

По завршувањето на студиите по филмска и ТВ монтажа кандидатите се здобиваат со висок степен на наобразба, односно со стручно звање ДИПЛОМИРАН ФИЛМСКИ И ТЕЛЕВИЗИСКИ МОНТАЖЕР.